Երևանի քաղաքապետարանը 100 միլիոն դրամ կուղղի Covid-19-ի դեմ պայքարող բուժաշխատողներին
100 միլիոն դրամ կհատկացվի Երևանի համայքային ենթակայության բուժհաստատությունների աշխատակիցներին, որոնք ներգրավված են կորոնավիրուսային համավարակի դեմ պայքարում: Այդ մասին ֆեյսբուքյան իր էջում տեղեկացրել է Երևանի քաղաքապետի խոսնակ Հակոբ Կարապետյանը։
Երևանի քաղաքապետի որոշմամբ գումարը կհատկացվի քաղաքապետարանի պարգևատրման ֆոնդից։
Առողջապահության նախարար Արսեն Թորոսյանը հուլիսի 9-ին հայտարարել է, որ ՀՀ-ում կորոնավիրուսի վիճակը կայուն է, բայց ծանր, չկա բացասական միտում, սակայն բացակայում է նաև դրականը։
