Հայաստանի ֆուտբոլի ֆեդերացիայի և ռուսական «Ռոստովի» 28-ամյա ֆուտբոլիստ Խորեն Բայրամյանի միջև ձեռք է բերվել պայմանավորվածություն, ըստ որի նա հանդես կգա Հայաստանի ֆուտբոլի ազգային հավաքականի կազմում, հայտնում են Ֆուտբոլի ֆեդերացիայից:
Բայրամյանը հավաքականին կմիանա առաջիկա հավաքի ընթացքում` պատրաստվելու ՈւԵՖԱ Ազգերի Լիգայի մրցաշարին:
Բայրամյանը ծնվել է 1992 թվականի հունվարի 2-ին՝ Տավուշի մարզի Կոթի գյուղում։ Նա խաղացել է ռուսական «Ռոստով», «Ռոտոր», «Վոլգար», «Ռուբին» ակումբներում։ Այժմ նա հանդես է գալիս «Ռոստով»-ում։