21 հուլիսի 2020 - 17:30 AMT
Արտաշատում փորձել են նորածնին վաճառել 50,000 դրամով

Ոստիկանության Արտաշատի բաժնում նորածին երեխայի վաճառքի դեպք են բացահայտել։ Փաստի առթիվ հարուցվել է քրեական գործ։

Բժիշկը, մանկաբարձուհին և երևանաբնակ ամուսինները հայտնաբերվել են, ներկայացվել նախաքննական մարմնին ու ձերբակալվել։

Ոստիկանությունը հայտնում է, որ Բերքանուշ գյուղի բնակչուհու հետ տարված բացատրական աշխատանքի արդյունքում պարզվել է, որ նա արտամուսնական կապից հղիանալուց հետո Արտաշատի ԲԿ-ի բժշկուհիներից մեկի հետ պայմանավորվել է ծննդաբերությունից հետո, նույն ԲԿ մանկաբարձուհու օժանդակությամբ, երեխային 2000 դոլարի դիմաց հանձնել երևանաբնակ ամուսինների։

Ծննդաբերությունից հետո՝ հուլիսի 13-ին, բժշկական կենտրոնի մոտ կինը նորածին երեխային հանձնել է երևանցի մի կնոջ, որը նրան վճարել է 50,000 դրամ։

Նախաքննությունը շարունակվում է։