Մոսկվայի հարավ-արևելքում հայերի ու ադրբեջանցիների միջև զանգվածային ծեծկռտուքից հետո ձերբակալվել է 13 մարդ։ Ձերբակալվածներից մեկի մոտ ուսին կտրված վերք է եղել։ Այս մասին հայտնում է ՏԱՍՍ գործակալությունը։

Իրավապահ մարմիններում գործակալության աղբյուրը տեղեկացրել է, որ միջադեպին մասնակցել են հայեր և ադրբեջանցիներ։ Ծեծկռտուքին ներգրավված է եղել մոտ 20 մարդ։

Facebook-ում նաև ձերբակալությունների տեսանյութ է տարածվել:

Մոսկվայում հուլիսի 23-ի երեկոյան ադրբեջանցիները խմբով հարձակվել էին հայկական համարներով մեքենաների ու միայնակ քայլող հայերի վրա։ Ֆեյսբուքյան էջերից մեկում տարածված տեսանյութում երևում է, որ մի խումբ ադրբեջանցի հավաքվել է մեքենայում գտնվող հայի շուրջ, ոտքերով հարվածել մեքենային, ծեծել վարորդին։ Մեկ այլ խումբ այգում ոտքերով մի քանի անգամ հարվածել է հային և հարցրել՝ «Ղարաբաղն ումն է»։