Պաշտպանության նախարար Դավիթ Տոնոյանն այցելել է հարավ-արևմտյան սահմանագոտի, որտեղ զինված ուժերը տեղադրել են նոր մարտական հենակետ:Այդ մասին ֆեյսբուքյան իր էջում տեղեկացրել է ՊՆ մամուլի խոսնակ Շուշան Ստեփանյանը։
Դավիթ Տոնոյանը նոր հենակետից տեսադիտարկման համակարգով հետևել է սահմանի պահպանության ընթացքին, լսել հրամանատարության զեկույցները, տվել համապատասխան հանձնարարականներ:
Հուլիսի 12-16-ը հայ-ադրբեջանական սահմանին՝ Տավուշի հատվածում մարտեր են եղել։ Հակառակորդի նախահարձակ գործողությունները հետ են մղվել։ Տոնոյանը նաև հիշատակել է հուլիսյան մարտերն ու նշել, որ չնայած հակառակորդը գերժամանակակից միջոցներ է կիրառել, սակայն հաջողության չի հասել՝ կրելով բազմաթիվ կորուստներ։ Հուլիյան սահմանային բախումներից հետո հայկական կողմը 5 զոհ ունի, ադրբեջանականը՝ 12։