ՀՀ ԱԳՆ-ն կապ է հաստատել Լիբանանում խաղաղապահական ծառայություն իրականացնող հայերի հետ։ Նրանք Բեյրութից բավական հեռու են տեղակայված և նրանց կյանքին վտանգ չի սպառնում, PanARMENIAN.Net-ին ասաց ԱԳՆ խոսնակ Աննա Նաղդալյանը։
ԶՈւ 32 խաղաղապահ ՄԱԿ-ի հովանու ներքո UNIFIL առաքելության շրջանակում 2014-ից ծառայում է երկրի հարավում։
Ավելի վաղ UNIFIL-ը հայտարարել է, որ պայթած նավահանգստի մոտ առաքելության նավերից մեկում գտնվող խաղաղապահները վիրավորվել են։ Առաքելությունը նշել է, որ պատրաստ են ամեն կերպ աջակցել Լիբանանի կառավարությանը և ժողովրդին։
Օգոստոսի 4-ի երեկոյան Լիբանանի մայրաքաղաք Բեյրութի նավահանգստում ուժգին պայթյուն է որոտացել։ Քաղաքում մեծ ավերածություններ կան, վնասվել է ՀՀ դեսպանության շենքը, տուժել է նաև հայկական թաղամասը։
Բեյրութն աղետի գոտի է հայտարարվել։ Երկրի վարչապետ Հասան Դիաբն օգնություն է խնդրել բարեկամ պետություններից։