Աշխարհում կորոնավիրուսով վարակվածների թիվն օգոստոսի 7-ի դրությամբ գերազանցել է 19 մլն-ը, փոխանցում է Ջոնս Հոփքինսի ինստիտուտը։

Ըստ ինստիտուտի տվյալների՝ ամբողջ աշխարհում կորոնավիրուս հաստատվել է մոտ 19․1 մլն մարդու մոտ, մահացել է 713,000-ից ավելի պացիենտ, առողջացել՝ մոտ 11․5 մլն։ Վարակակիրների ամենամեծ թիվն ԱՄՆ-ում է՝ 4․8 մլն-ից ավելի, երկրորդ տեղում Բրազիլիան է 2․9 մլն-ով, ապա՝ Հնդկաստանը՝ 1․9 մլն-ով։

Օգոստոսի 7-ի դրությամբ ՀՀ-ում կորոնավիրուսով վարակի դեպքերը հասել են 39,985-ի։ Ընդհանուր առմամբ, կորոնավիրուսից մահվան 777 դեպք կա, այլ պատճառով՝ 228։ Առողջացածների ընդհանուր թիվը 32,008 է։ Փաստացի բուժվողների թիվը 6972 է։

Օգոստոսի 3-ին աշխարհում գրանցվել էր 18 մլն-ից ավելի վարակակիր, փաստացի 4 օրվա ընթացքում աշխարհում կորոնավիրուսով վարակակիրների թիվն ավելացել է 1 մլն-ով։