ՌԴ Վոլգոգրադ քաղաքի գազալցակայանում գազի պայթյունի հետևանքով 13 մարդ է տուժել․ 10 մարդ հոսպիտալացվել է այրվածքներով, մյուսները հրաժարվել են հոսպիտալացումից։ Տուժանծերից 4-ը հրշեջ է։
Բռնկվել են գազալցակայանի շենքն ու գազատար ավտոմեքենան, տեղեկացնում է ՏԱՍՍ-ը։
Վերակենդանացման բաժանմունքում է գտնվում ԱԻՆ մեքենայի վարորդը, ԱԻՆ մեկ այլ աշխատակից մարմնի 50 տոկոսի այրվածքներ ունի։
Ավելի վաղ հայտարարվել էր, որ տուժածը գազատար ավտոմեքենայի վարորդն է, սակայն պարզվել է, որ վերջինս ողջ և առողջ է։
Հրդեհը մարվել է։