Ամբողջապես դադարեցվել են Սևանա լճի ողջ առափնյա հատվածում՝ «Սևան ազգային պարկի» հողատարածքների՝ վարձակալության կամ կառուցապատման իրավունքով տրամադրման բոլոր գործընթացները, հայտարարել է շրջակա միջավայրի նախարար Ռոմանոս Պետրոսյանը։
Նախարարը նշել է, որ ամբողջապես կասեցվել են նաև Բնության Հատուկ Պահպանվող Տարածքներում (ԲՀՊՏ) և «ՀայԱնտառի» տարածքներում հողամասերի վարձակալության կամ կառուցապատման իրավունքով տրամադրման բոլոր գործընթացները։
Պետրոսյանի խոսքով՝ արդեն մեկնարկել է այդ գոտիներում մինչ այժմ տրամադրված հողատարածքների տնօրինման պայմանագրերի ուսումնասիրությունները, բնապահպանական, քաղաքաշինական ու հողաշինական նորմերի խախտումների դեպքում, սակայն, դանք կչեղարկվեն՝ միակողմանի կամ դատական կարգով։
Նախարարը նաև հորդորել է հանգստյան օրերին բնության գրկում անցկացնելուց հետո նաև հոգատար վերաբերմունք ցուցաբերել դրանց հանդեպ։
