Թուրքիայում 13 պատվաստանյութ է մշակվում, որոնցից երեքը դուրս է եկել կենդանիների փորձարկման փուլից: Այս մասին, Reuters-ի փոխանցմամբ, հայտարարել է առողջապահության նախարար Ֆահրեթթին Քոջան:
Նախարարը նաև հայտնել է, որ Թուրքիան բանակցում է Ռուսաստանի, Գերմանիայի և Չինաստանի հետ այդ երկրներում մշակած պատվաստանյութերի 3-րդ փուլի փորձարկումներ անցկացնելու վերաբերյալ։
Օգոստոսի 20-ի դրությամբ 253,108 կորոնավիրուսի դեպք է գրանցվել Թուրքիայում, մահացել է 6039 մարդ։
Գերմանիան և Չինաստանը դիմել են Թուրքիայում 3-րդ փուլի փորձարկումներ անցկացնելու համար՝ ներկայացնելով նախակլինիկական փորձարկումների արդյունքները, իսկ Անկարան ցանկանում է սկզբից տեսնել ռուսական պատվաստանյութի նախակլինիկական արդյունքները։