Apple-ը հատուկ AirTag սարք է մշակել, որը թույլ կտա գտնել կորած իրերը։ Առաջին հիշատակումներն այդ մասին արվել են դեռևս iOS 13-ի առաջին բետա տարբերակում։
Նոր աքսեսուարը փոքր շրջանակի տեսք ունի, որի կենտրոնում Apple-ի լոգոտիպն է, գրում է Business Insider-ը։
Աքսեսուարը հնարավոր կլինի պահել դրամապանակում կամ կցել բանալիներին, նաև կարևոր փաստաթղթերին։ Եթե օգտատատերը բավականաչափ հեռանա նշված իրից, iPhone-ն անմիջապես կիրազեկի, որ կարևոր բան է մոռացել։ Հնարավոր կլինի նաև գտնել, թե որտեղ եք այն կորցրել՝ սմարթֆոնը կմատնանշի դրա գտնվելու վայրը՝ անկախ հեռավորությունից։
Նոր արտադրանքի շնորհանդեսը նախատեսված է սեպտեմբերին։