Սեպտեմբերին 21 նոր նախակրթարան կբացվի ՀՀ ամբողջ տարածքում։ ՀՀ կրթության, գիտության, մշակույթի և սպորտի նախարար Արայիկ Հարությունյանն ուսումնական տարվա մեկնարկին այցելել է Արագածոտնի և Արարատի մարզեր՝ ներկա գտնվելու նախակրթարանների բացման արարողությանը:
Դրանք կահավորվել են անհրաժեշտ գույքով, ապահովվել նախադպրոցական կրթության կազմակերպման համար անհրաժեշտ պարագաներով:
ԿԳՄՍ նախարարի հաջորդ կանգառը եղել է Արարատի մարզի թիվ 4 հիմնական դպրոցը, որտեղ «Կրթության բարելավում» ծրագրի շրջանակում ստեղծված նախակրթարանն իր դռները բացել է 30 սանի առաջ:
Նախապես իրականացվել է նաև նախակրթարաններում աշխատող դաստիարակների վերապատրաստում: Ինչպես նաև՝ պահպանվել են ներառական կրթության կազմակերպման բոլոր պահանջները, նորաստեղծ նախակրթարաններն ունեն հարմարեցված միջավայր, այդտեղ կրթվելու են նաև սահմանափակ հնարավորություններով երեխաներ։
ԿԳՄՍ նախարարը նախակրթարաններ շրջայցն ամփոփել է Գետազատ համայնքի միջնակարգ դպրոցում։ Նորաբաց նախակրթարանն այս տարի ընդունելու է 20 սանի:
2020 թվականի նախադպրոցական կրթության միկրոծրագրերի իրականացմանն ուղղված նախնական աշխատանքները սկսվել են դեռևս 2019 թվականի նոյեմբերից և իրականացվում են Համաշխարհային բանկի համաֆինանսավորմամբ՝ «Կրթական ծրագրերի կենտրոն» ԾԻԳ-ի «Կրթության բարելավում» վարկային ծրագրի շրջանակում արդեն իսկ հիմնվել է 136 նախակրթարան։