ՊՆ․ Հակառակորդը փորձում է նոր ամրաշինական աշխատանքներ ծավալել
Հակառակորդը փորձում է նոր ամրաշինական աշխատանքներ ծավալել, ինչը, բնականաբար, չի նպաստում սահմանի տվյալ հատվածում ռիսկերի նվազեցմանը։ Այդ մասին ասել է ՊՆ խոսնակ Շուշան Ստեփանյանը, գրում է Aysor.am-ը։
«ՀՀ զինված ուժերը կասեցնում են նման գործողությունները և միաժամանակ ձեռնարկում են համապատասխան միջոցներ հետագա սրացումները կանխելու համար», - ասել է նա:
Ստեփանյանը նաև ընդգծել է, որ որևէ գյուղի ուղղությամբ հայկական զինված ուժերը կրակ չեն վարել:
Նա չի բացառել, որ հակառակորդի ակտիվությունը կարող է կապված լինել հայ-ռուսական զորավարժությունների հետ:
Ավելի վաղ Ադրբեջանի պաշտպանության նախարարությունը հայտնել էր, որ հայկական զինված ուժերը խախտել են հրադադարը Թովուզի ուղղությամբ, մասնավորապես, կրակ բացելով Ալիբեյլի գյուղի ուղղությամբ:
