Ադրբեջանցի գրող և լրագրող Աբիլ Հասանովը քրիստոնեւթյուն է ընդունել Գերմանիայում ապաստան ստանալու նպատակով։
Բապտիստների ընկերակցությունն ընդունել է Հասանովին և նրա ընտանիքին։ Փոխելով դավանանքը՝ Հասանովն ու նրա փաստաբանը հայտարարել են, որ նրան չի կարելի արտաքսել, քանի որ Ադրբեջանում հետապնդում են քրիստոնյաներին, գրում է Haqqin.az-ը՝ Westfalen-Blatt-ին հղումով։
Գերմանիայի միգրացիոն ծառայությունները, սակայն, մերժել են Հասանովին ապաստան տրամադրելու հարցում։ Այժմ նա փաստաբանի օգնությամբ փորձելու է բողոքարկել որոշումը։
52-ամյա Հասանովն աշխատել է մի շարք ընդդիմադիր ադրբեջանական ԶԼՄ-ներում։