Հայկական ֆուտբոլի երկրպագուները կկարողանան վերադառնալ մարզադաշտ։ Հայաստանի ֆուտբոլի ֆեդերացիան իրավունք է ստացել թույլատրել Հայաստանի Պրեմիեր լիգայի, Առաջին խմբի և Հայաստանի գավաթի խաղարկության մասնակից յուրաքանչյուր ակումբից 75 հանդիսականի մասնակցություն հանդիպումներին (ընդամենը՝ 150 անձ), hաղորդում է ՀՖՖ մամուլի ծառայությունը:

Երկրպագուների մասնակցությունը կթույլատրվի սեպտեմբերի 18-ից։

Դաշտի տեր ակումբի պատասխանատվությամբ՝ բոլոր երկրպագուները պետք է տեղակայվեն մարզադաշտում՝ պահպանելով սահմանված սոցիալական հեռավորությունը և հանդիպման ամբողջ ընթացքում կրեն դիմակներ։

Կորոնավիրուսի համավարակի պատճառով բոլոր հանդիպումներն անցկացվում էին առանց երկրպագուների: