Վարչապետ Նիկոլ Փաշինյանը շնորհավորական ուղերձ է հղել Հայաստանի հրեական համայնքին հրեական նոր տարվա՝ Ռոշ Հաշանայի կապակցությամբ:

Վարչապետն իր ուղերձում մաղթել է, որ լինի խաղաղության, բարեկեցության և առաջընթացի տարի։

«Վերստին շնորհավորելով Ռոշ Հաշանայի կապակցությամբ՝ մեր հրեա հայրենակիցներին մաղթում եմ քաջառողջություն և ամենայն բարիք»,-գրել է Փաշինյանը։

Հանրապետության հիմնական հրեական կազմակերպությունը Երևանում գործող Հայաստանի Հրեական Համայնքն է: Հրեաների թիվը ՀՀ-ում, ըստ որոշ տվյալների, մի քանի հարյուրի է հասնում։