18 սեպտեմբերի 2020 - 14:17 AMT
Վարչապետի օգնականները հանդիպել են առևտրականներին. Նրանք դադարեցրել են ակցիան

Կառավարության առջև բողոքի ցույց անող առևտրականներից մի քանիսին ընդունել են վարչապետի օգնականներ Նաիրի Սարգսյանը և Սուրեն Ղամբարյանը, նրանք վարչապետ Նիկոլ Փաշինյանին կներկայացնեն բողոքողների խնդիրները, փոխանցում է Aysor.am-ը՝ հավելելով, որ ցուցարարները դադարեցրել են ակցիան։

«Հիմա սպասում ենք, թե ինչ որոշում կկայացվի։ Թե երբ՝ չենք կարող ասել, խորհրդակցություն կհրավիրվի։ Թե ինչ արձագանք կլինի, նախապես որևէ մեկը չի կարող ասել, կարող է կետեր լինեն, ընդունելի լինեն, կետեր լինեն՝ ոչ։ Երբ պատասխան լինի, կխոսենք դրա մասին»,-ասել է բողոքի ակցիա իրականացնողներից մեկը։

Արտերկրից ՀՀ հագուստ ու կոշիկ ներկրողները բողոքում են Մաքսային օրենսգրքում փոփոխություններից, ինչի արդյունքում ստիպված են ներկրված ապրանքը ավելի բարձր գնով մաքսազերծել։