Սեպտեմբերի 20-ին, ժամը 21։25-ին Երևան-Գյումրի ավտոճանապարհի 56-րդ կմ-ին, Կաքավաձոր գյուղի մոտակայքում տեղի է ունեցել ՃՏՊ։ 2 զոհ կա և 5 վիրավոր։
Բախվել են Mercedes E (վարորդ՝ Արտակ Մ․) և «ՎԱԶ-2106» (վարորդ՝ Յուրիկ Ս․, ծնված 1949 թ․) մակնիշների ավտոմեքենաները:
Փրկարարները «ՎԱԶ-2106» մակնիշի ավտոմեքենայից դուրս են բերել վարորդ Յուրիկ Ս․-ի և ուղևոր Շուշանիկ Գ․-ի (ծնված 1949 թ․) դիերը և մոտեցրել շտապօգնության ավտոմեքենային, տեղեկացնում է ԱԻՆ մամուլի ծառայությունը։
Մինչ փրկարարների՝ կանչի վայր հասնելը 5 ուղևոր հոսպիտալացվել է Երևանի տարբեր բժշկական կենտրոններ:
Փրկարարները հոսանքազրկել են ավտոմեքենաները և փակել գազի բալոնների փականները: