Telegram-ից օգտվողները դժգոհել են մեսինջերի աշխատանքից, նրանց 91%-ը կապի հետ կապված դժվարության մասին է հայտնել, 8%-ը չի կարողացել հաղորդագրություն ուղարկել, փոխանցում է «Վեդոմոստին»:

Հավելվածի հետ խնդիր է եղել Ղազախստանի, Բելառուսի, Գերմանիայի և Բրազիլիայի տարածքում։ ՌԴ-ում ևս Telegram-ի հետ կապված խնդիր է եղել, բողոքել են Մոսկվայի, Սանկտ Պետերբուրգի, Կրասնոդարի, Կալինինգրադի, Նիժնի Նովգորոդի բնակիչները։

Խնդիրները հատկապես նկատվել է սեպտեմբերի 21-ին 14։58-ից մինչև 15։44-ն ընկած ժամանկահատվածում, դրանից հետո օգտատերերի բողոքները դադարել են։ Դեռ հայտնի չէ՝ ինչն է եղել խափանման պատճառը։

Telegram-ը համարվում է աշխարհի ամենաապահով մեսինջերներից մեկը։ Այն ստեղծել է ձեռնարկատեր, ծրագրավորող Պավել Դուրովը 2013-ին։