Առողջապահության նախարար Արսեն Թորոսյանը մեկնում է Արցախ։ Այդ մասին նա տեղեկացրել է Twitter-ի իր միկրոբլոգում։
Նպատակն է՝ տեղում ծանոթանալ շտապ բժշկական օգնության լիարժեք պատկերին։
«Ադրբեջանական ագրեսիայի հետևանքով ավելի քան 100 վիրավոր զինծառայող և խաղաղ բնակիչ է տեղափոխվել Երևանի բուժկենտրոններ»,- ասվում է գրառման մեջ։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Արցախի ՊԲ-ում սեպտեմբերի 28-ի առավոտվա դրությամբ 31 զոհ կա։ Առաջին օրվա ճշտված տեղեկություններով՝ ադրբեջանական կողմն ունի մոտ 200 մարդկային կորուստ, կորցրել են նաև մոտ 30 զրահատեխնիկա և 20 ԱԹՍ։