Հայաստանը հերքում է հայ բարձրաստիճան զինվորականի մահվան մասին ադրբեջանական տիրույթում տարածված տեղեկությունները: Այս մասին ֆեյսբուքյան իր էջում հայտնել է ՀՀ ՊՆ ներկայացուցիչ Արծրուն Հովհաննիսյանը՝ նշելով, որ լուրը չի համապատասխանում իրականությանը:

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Հայաստանում և Արցախում հայտարարվել է ռազմական դրություն և զորահավաք։ Արցախի ՊԲ-ում սեպտեմբերի 28-ի երեկոյան դրությամբ 58 զոհ կա։ Առաջին օրվա ճշտված տեղեկություններով՝ ադրբանական կողմն ունի մոտ 200 մարդկային կորուստ։