Ադրբեջանցիները հայկական «Օսա» զենիթահրթիռային համալիրներին նմանակող կարտոնե թիրախներ են ոչնչացրել։
Այս մասին գրում է ռազմական փորձագետ Լեոնիդ Ներսիսյանը՝ նշելով, որ ադրբեջանական կողմը երկու թանկարժեք անօդաչու թռչող սարք է «անիմաստ» ոչնչացրել այդ նպատակով (մահապարտ ԱԹՍ-ներ)։
Ռազմական փորձագետը գրառմանը կցել է նաև ադրբեջանական կողմի որպես ապացույց հրապարակած լուսանկարները, որոնք արվել են անօդաչուներից։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։