Սեպտեմբերի 30-ին ԱՄՆ Լոս Անջելես քաղաքում հազարավոր հայեր երթի են դուրս եկել՝ իրենց բողոքը հայտնելու Արցախի և Հայաստանի դեմ սանձազերծված թուրք-ադրբեջանական ագրեսիայի դեմ, տեղեկացնում է Ամերիկայի Հայ դատի հանձնախումբը։
Ցույցի մասնակիցները պահանջել են միջազգային հանրությունից դատապարտել ոչ միայն Ադրբեջանի, այլև Թուրքիայի գործողությունները։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
Նվիրատվությունները կարելի է կատարել «Հայաստան» հիմնադրամի կայքում, ինչպես նաև փոխանցումներ կատարելով Կենտրոնական բանկի հատուկ հաշվեհամարներին (դրամով, դոլարով, ռուբլիով, եվրոյով):