Գերմանիայի կանցլեր Անգելա Մերկելը հայտարարել է, որ հրադադարը ղարաբաղյան հակամարտության բարդ խնդիրը խաղաղ քննարկելու միակ հնարավորությունն է։
Նա նշել է նաև, որ Եվրամիությունը հանդես է գալիս Լեռնային Ղարաբաղում հրադադար հայտարարելու օգտին՝ ռազմական ճանապարհով հնարավոր չէ հասնել հարցի խաղաղ լուծման, գրում է ՌԻԱ Նովոստին։
«Մենք, անշուշտ, հանդես ենք գալիս հրադադար հայտարարելու օգտին։ Դա միակ հնարավորությունն է` խաղաղ քննարկելու այդ բարդ հակամարտության կարգավորումը, սակայն հստակ է, որ ոչ ռազմական ճանապարհով»,-ասել է Մերկելը Բրյուսելում, ԵՄ առաջնորդների գագաթնաժողովի ավարտից հետո։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Հրետակոծություններից վիրավորվել են նաև տեղացի և ֆրանսիացի լրագրողներ։ ՀՀ-ում և Արցախում ռազմական դրություն է հայտարարված։
