Փետրվարի 17-ին լրանում է Կոսովոյի անկախության առաջին տարեդարձը: Այդ կապակցությամբ Պրիշտինայում տոնական միջոցառումներ կանցնեն: Խորհրդարանում տեղի կունենա հանդիսավոր միջոցառում, որի ժամանակ ելույթ կունենա նախագահ Ֆաթմիր Սեյիդիուն, վարչապետ Հաշիմ Տաչին եւ ստորին պալատի խոսնակ Յակուպ Կրանսիչին: Ավելի ուշ Պրիշտինայում եւ երկրամասի այլ քաղաքներում «Երթ դեպի անկախություն» ընդհանուր խորագրով զանգվածային շքերթներ տեղի կունենան:

Երեկոյան Պրիշտինայում հանդես կգա տեղի ֆիլհարմոնիկ նվագախումբը, կլինի նաեւ համերգ: Պաշտոնական տոնակատարությունները, որոնց համար իշխանությունները հատկացրել են շուրջ 150 հազար եվրո, կեզրափակի տոնական հրավառությունը երկրամասի խոշոր քաղաքներում:

Ինչպես հաղորդում են Կոսովոյի իշխանությունները, Անկախության օրվա տոնակատարության կապակցությամբ իր շնորհավորանքներն են հղել Մեծ Բրիտանիան ու ԱՄՆ-ն: