Ադրբեջանական կողմի հրետակոծությունների արդյունքում Ստեփանակերտում և Շուշիում կան մարդկային կորուստներ քաղաքացիական անձանց թվում, հայտնել է Արցախի նախագահի մամուլի խոսնակ Վահրամ Պողոսյանը:
«Ցավոք սրտի կան քաղաքացիական զոհեր և վիրավորներ Ստեփանակերտում և Շուշիում»,- ասել է Պողոսյանը, փոխանցում է Armenpress-ը։
Հոկտեմբերի 3-ից սկսած հակառակորդը պարբերաբար հրթիռակոծում ու հրետակոծում է Արցախի մայրաքաղաքն ու այլ քաղաքներ՝ թիրախավորելով խաղաղ բնակչությանը։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։