Համացանցում տեսանյութ է հայտնվել, որում երևում է, թե ինչ կոչերով են Սիրիայում վարձկաններին հավաքագրում՝ Լեռնային Ղարաբաղի հակամարտության շրջանում Ադրբեջանի կողմից կռվելու համար։
Ըստ պնդումների՝ այն արվել է Սիրիայի Աֆրին քաղաքում։ Տեսանյութում երևանցողն ասում է, որ իսլամական աշխարհը արևմուտքից արևելք ենթարկվում է զրկանքների, իսկ հիմա իրենց ճակատամարտը Ադրբեջանում է, ինչպես Լևանտում էր:
Դեռ սեպտեմբերի 27-ից առաջ Հայաստանը հայտարարել էր, որ իր տեղեկություններով՝ Թուրքիան Ադրբեջան սիրիացի վարձկաններ է տեղափոխել։ Թուրքիան և Ադրբեջանը հերքում են այդ լուրերը, մինչ զուգահեռ միջազգային մամուլում դրանք հաստատող վկայություններ են հայտնվում։
Իսկ հոկտեմբերի 3-ին համացանցում հայտնվեց ադրբեջանական կողմում մարտի ժամանակ արված վարձկանների առաջին տեսանյութը։
