Ցեղասպանագետների միջազգային միությունը հայտարարել է, որ արցախահայերի ցեղասպանության վտանգ կա։ Այդ մասին տեղեկացնում է Ճապոնիայում ՀՀ դեսպանությունը ֆեյսբուքյան իր էջում։

Ցեղասպանագետների հայտարարության մեջ ասվում է, որ «Ադրբեջանի ու Թուրքիայի գործողություններում Արցախի հայության նկատմամբ ցեղասպանության վտանգ կա»:

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։