Կոնգրեսական Ֆրանկ Փալոունը կարծում է, որ ԱՄՆ պետքարտուղար Մայք Պոմպեոն պետք է պնդի Լեռնային Ղարաբաղում հրադադարի պահպանման մեխանիզմների ներդնման հարցում։
«Մենք հստակ կիմանայինք, թե որ կողմն է ԱՄՆ միջնորդությամբ հաստատված հրադադարի խախտել, եթե ադրբեջանցիները միջազգային դիտորդներին թույլ տային մշտադիտարկել շփման գիծը, ինչպես նախատեսված է 2015 թվականի Ռոյս-Էնգել համաձայնագրով: Պետքարտուղար Մայք Պոմպեոն պետք է պնդի այս հարցը»,- գրել է կոնգրեսականը թվիթերյան իր էջում։ :
2015-ին ԱՄՆ Ներկայացուցիչների պալատի ներկայացուցիչներ Էդ Ռոյսն ու Էլիոթ Էնգելը առաջարկում էին հայ-ադրբեջանական սահմանին և Արցախի շփման գծում հրադադարի ռեժիմի դիտարկման համակարգ սահմանել։ Նման մեխանիզմի անհրաժեշտությունը շարունակաբար պնդում են նաև Հայաստանի և Արցախի կառավարությունները, Ադրբեջանը, սակայն, տարիներ շարունակ հրաժարում է դրանցից։
