Իտալիայի Լոմբարդիա ռեգիոնը ճանաչել է Արցախի անկախությունը
Իտալիայի Լոմբարդիա տարածաշրջանը ճանաչել է Արցախի անկախությունը, տեղեկացնում է այդ երկրում ՀՀ դեսպանությունը:
«Լոմբարդիան Իտալիայի առաջին ռեգիոնն է, որ ճանաչեց Արցախի Հանրապետության անկախությունը։
Շնորհակալություն, Լոմբարդիա, միշտ առաջամարտիկ, միշտ ուժեղ, միշտ հավատարիմ համընդհանուր արժեքներին»,- ասվում է գրառման մեջ։
Ավելի վաղ Արցախի Հանրապետության անկախությունը ճանաչել էի Իտալիայի Պալերմո, Միլան, Չերքիարա դի Կալաբրիա քաղաքները։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
