Ռուսաստանից արցախցիների համար մարդասիրական օգնության նոր խմբաքանակ է ուղարկվել Երևան։
50 տոննա կշռող մարդասիրական բեռը ներառում է դեղորայք, բժշկական սարքավորումներ, մանկական հագուստ, ինչպես նաև առաջին անհրաժեշտության տարբեր իրեր, տեղեկացնում է ՌԴ-ում ՀՀ դեսպանությունը։
Օգնությունը հավաքել են Ռուսաստանի հայերը։
Վերջին 5 շաբաթում հարյուրավոր տոննա հումանիտար օգնություն է ուղարկվել ՌԴ-ից Հայաստան։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։