Հայտնի ռեժիսոր Արտավազդ Փելեշյանն իր «Բնություն» ֆիլմի 15,000 եվրո հոնորարը փոխանցել է «Հայաստան» համահայկական հիմնադրամին՝ ի աջակցություն Արցախի, տեղեկացնում է «Կինոաշխարհը»։
Ֆիլմը նկարահանվել է Ֆրանսիայի Fondation Cartier հիմնադրամի և Գերմանիայի ZKM ֆիլմարտադրող ընկերության հետ համատեղ։
Դրա պրեմիերային զուգակցող Փելեշյանի կինոարվեստին նվիրված «Բնություն» ցուցահանդեսը հետաձգվել է պանդեմիայի պատճառով։
Ցուցահանդեսը բացվել էր Փարիզի «Կարտիե» ժամանակակից արվեստի կենտրոնում դեռևս հոկտեմբերի 23-ին։
Այն պետք է ցուցադրվեր նաև Գերմանիայում, Մոսկվայում, Միլանում:
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
Նվիրատվությունները կարելի է կատարել «Հայաստան» հիմնադրամի կայքում, ինչպես նաև փոխանցումներ կատարելով Կենտրոնական բանկի հատուկ հաշվեհամարներին (դրամով, դոլարով, ռուբլիով, եվրոյով):
