Ադրբեջանը հրթիռակոծում է Արցախի մայրաքաղաք Ստեփանակերտը: Այս մասին հայտնում է Արցախի Արտակարգ իրավիճակների պետական ծառայությունը՝ նշելով, որ տուժածների մասին այս պահին տվյալներ չկան։
Ստեփանակերտին հակառակորդը հարվածում է «Գրադ» և «Սմերչ» համազարկային կրակի ռեակտիվ համակարգերով։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։