Փոխգնդապետ Արթուր Մարտիկի Քարամյանը մարտական բարդ իրավիճակում գրագետ ու սառնասիրտ գործողություններով շրջափակումից հանել է 600 զինծառայողի:
Քարամյանի ղեկավարությամբ իրականացված գործողությունների շնորհիվ ոչնչացվել է հակառակորդի 3 տանկ, ևս 3-ն առգրավվել է, թշնամական կողմն ունեցել է մարդկային լուրջ կորուստներ, հայտնում են պաշտպանության բանակից:
ՊԲ-ից պատմել են նաև այլ զինծառայողների սխրանքների մասին։
Շարքային Սուրեն Արիկի Գաբրիելյանը խոցել է թշնամական 4 ՀՄՄ-2, 2 ՀՄՄ-3 և 2 տանկ:
Հակառակորդի 6 տանկ էլ ոչնչացրել է լեյտենանտ Տիգրան Կարենի Պետրոսյանը:
ՊԲ զինծառայող, փոխգնդապետ Ռյուրիկ Օլեգովիչ Սեմյոնովը ոչնչացրել է զինամթերքով բեռնված թշնամական 2 «Կամազ» 1 ՊԶՄ, հակատանկային 2 դասակ, 3 տանկ, հետևակի մարտական 8 մեքենա, 1 հրետանային «ՏՌ» կայանք, 2 ավտոտեխնիկա:
Հակառակորդի 3 տանկ է ոչնչացրել շարքային Մարտին Վարդգեսի Բաբախանյանը, ու ևս 2 տանկ՝ սերժանտ Կարապետ Սեյրանի Հարությունյանը:
Սեպտեմբերի 27-ից Արցախի դեմ Ադրբեջանը պատերազմ էր սանձազերծել՝ ահաբեկիչ-վարձկանների ու թուրքերի անմիջական աջակցությամբ։ Նոյեմբերի 10-ին վարչապետ Նիկոլ Փաշինյանը հայտարարեց, որ ՌԴ ու Ադրբեջանի նախագահների հետ պատերազմի դադարեցման համաձայնության է եկել։ Ըստ դրա՝ Ադրբեջանը և Հայաստանը կանգ են առնում իրենց զբաղեցրած դիրքերում: Իսկ ՌԴ խաղաղապահները տեղակայվում են ԼՂ շփման գծի երկայնքում և Հայաստանի հետ կապող միջանցքում: