Տարածքային կառավարման և ենթակառուցվածքների նախարարությունը հանրային քննարկման է դրել «Մարալիկի առողջության կենտրոնի» մանկաբարձագինեկոլոգիական բաժանմունքը լուծարելու նախագիծը։
Որպես պատճառ նշվում է մանկաբարձագինեկոլոգիական ծառայության թերծանրաբեռնված լինելը և կենտրոնի համապատասխան մասնագետներով ապահովված չլինելը։
Ըստ նախարարության՝ նպատակահարմար է լուծարել մանկաբարձագինեկոլոգիական բաժանմունքը՝ այն վերածելով պոլիկլինիկական մասի՝ ցերեկային ստացիոնար բուժման 2 պալատով և շտապ օգնության ծառայությամբ:
Ծննդատան ֆինանսավորումը դադարեցվել է կառավարության կողմից, սակայն աշխատակիցների ազատման իրավական հիմքեր չկան:
Մարալիկում ծննդատան և հիվանդանոցի աշխատողներն ամռանը բողոքի ակցիաներ էին անում: Նրանք դժգոհում էին առողջապահության նախարարի որոշմամբ ծննդատան փակվելուց, պահանջում իրենց խնդրին լուծում տալ։
2019-ին կառավարությունը մերժել էր պոլիկլինիկային պետպատվեր տալու հարցում, սակայն աշխատակիցներին աշխատանքից պաշտոնապես չէր ազատել, նրանք տարեսկզբից աշխատավարձ չէին ստացել։