2021-ին ընդառաջ՝ Երևանի Հանրապետության հրապարակում ամանորյա տոնածառ չի տեղադրվելու, PanARMENIAN.Net-ին ասաց քաղաքապետի մամուլի խոսնակ Հակոբ Կարապետյանը։

«Երևանի քաղաքապետարանը որոշել է նաև, որ մայրաքաղաքում ամանորյա զարդարանք նույնպես չի լինելու»,- նշեց Կարապետյանը:

Նոյեմբերի 24-ին Երևանի ավագանին որոշել էր Ամանորի միջոցառումների իրականացման համար նախատեսված 100 մլն դրամը ուղղել Ստեփանակերտին։ Գումարը հատկացվելու է Ադրբեջանի կողմից Ստեփանակերտի թիրախավորման հետևանքով վնասված քաղենթակառուցվածքների և օբյեկտների վերականգնողական կապիտալ աշխատանքների իրականացման նպատակով: