2021-ի բյուջեով հակակոռուպցիոն կոմիտեի ստեղծման համար կհատկացվի 8․2 մլրդ դրամ՝ աշխատավարձերի, շենքային պայմանների, գրասենյակային ծախսերի ու տեխնիկական հագեցվածության համար։
Կառավարությունը հաստատել է հակակոռուպցիոն կոմիտեի ստեղծման օրենսդրական փաթեթը, կոմիտեն 2021-ից իրականացնելու է կոռուպցիոն գործերով քննությունները։
Հակակոռուպցիոն կոմիտեն ներառելու է ազգային անվտանգության ծառայության, պետական եկամուտների կոմիտեի, հատուկ քննչական ծառայության, քնննչական կոմիտեի համապատասխան ստորաբաժանումները և դառնալու է կոռուպցիոն գործեր քննող միակ ու կենտրոնացված մարմինը։
«Կոմիտեն արդեն իսկ ստեղծված Կոռուպցիայի կանխարգելման հանձնաժողովի, հետագայում ստեղծվելիք հակակոռուպցիոն դատարանի և ՀՀ գլխավոր դատախազությունում կոռուպցիոն հանցագործությունների քննության նկատմամբ հսկողություն իրականացնող վարչության հետ ամբողջացնելու է հակակոռուպցիոն ինստիտուցիոնալ համակարգը»,- ասվում է որոշման մեջ։
Հակակոռուպցիոն մարմնի նախագահն ընտրվելու է մրցութային կարգով։ Մրցութային կարգով են ընտրվելու նաև կոմիտեի ծառայողները։
Ընթերցեք նաև․ «Թալանածը որոնելու գինը տնտեսական աճի բացակայությունն է»