Կորոնավիրուսի դեմ ամերիկյան Pfizer և գերմանական BioNTech ընկերությունների մշակած պատավաստանյութի փորձարկման հաշվետու ժամանակահատվածում ընդհանուր 6 մահ է գրանցվել, որոնցից 2-ը ստացել էր պատվաստանյութը, 4-ը՝ պլացեբոն։ ԱՄՆ Սննդի և դեղերի վարչությունը փոխանցում է՝ փորձարկումներին մասնակցել է 38,000 մարդ։

Պացիենտներից մեկն ունեցել է գիրություն և աթերոսկլերոզ, մահացել է առաջին դեղաչափից երեք օր անց, մեկ այլ պացիենտի սիրտը կանգ է առել 60 օր անց՝ երկրորդ դեղաչափից հետո։

Պլացեբո ստացածներից երկուսի մահվան պատճառը չի հաստատվել, մյուս երկուսը մահացել են ինֆարկտից և ինսուլտից։ Մահացածներից երեքը 55 տարեկանից մեծ են։

ԱՄՆ Սննդի և դեղերի վարչությունը հաստատել էր Pfizer/BioNTech պատվաստանյութի արդյունավետությունը: Նշվում էր, որ այն ցույց է տվել անվտանգության համապատասխան մակարդակ։