Հայաստանում կարող է թույլատրվել գիտական և ուսումնական նպատակներով թմրամիջոցների ու հոգեմետ դեղերի օգտագործումը, Ազգային ժողովն առաջին ընթերցմամբ ընդունել է «Թմրամիջոցների և հոգեմետ (հոգեներգործուն) նյութերի մասին» ՀՀ օրենքում փոփոխություններ և լրացումներ կատարելու մասին և կից ներկայացված օրինագծերի փաթեթը:
Օրենքի նախագիծն առաջին ընթերցմամբ ընդունվել է 86 կողմ և 1 ձեռնպահ ձայներով:
Ըստ դրա՝ համապատասխան լիցենզիայի առկայության պարագայում նախատեսվում է թույլատրել թմրամիջոցների և հոգեմետ նյութերի օգտագործումը գիտական ու ուսումնական նպատակներով և փորձագիտական գործունեության ընթացքում։
Նախատեսվում է, որ համապատասխան լիցենզիայի տեսակով լիցենզավորվելուց հետո փորձագիտական և գիտաուսումնական կենտրոնները հնարավորություն կունենան ապահովելու խիստ հսկվող նյութերի շրջանառությունը:
