Որոնողական աշխատանքների արդյունքում դեկտեմբերի 15-ի դրությամբ հայտնաբերվել է 892 զոհված զինծառայողի մարմին։ Այդ մասին հայտնել են Արցախի ԱԻՊԾ-ից, գրում է «Փաստինֆոն»։
Որոնողական աշխատանքները շարունակվում են և նշված թիվը կփոխվի դեկտեմբերի 16-ի ուշ երեկոյան։
Նույն աղբյուրի փոխանցմամբ՝ որոնողական աշխատանքները շարունակվում են Ջաբրայիլում և Ֆիզուլիում։
Ինչ վերաբերում է ողջ մնացած զինծառայողների հայտնաբերմանը, ապա պարզվում է միայն մեկ հայ զինվոր է հայտնաբերվել նոյեմբերի 14-ին,՝ Շուշիի շրջանում իրականացված որոնողական աշխատանքների արդյունքում։ Նույն հատվածում հայտնաբերվել է նաև մեկ ադրբեջանցի։ Այլ ուղղություններում ողջ մնացած զինծառայողներ չեն հայտնաբերվել։
Ադրբեջանական վերահսկողության տակ գտնվող ռազմական գործողությունների վայրերում որոնողափրկարարական աշխատանքներին մասնակցելու թույլտվություն է տրվել նաև անհետ կորած զինծառայողների հարազատներին: