Մայր աթոռ Սուրբ Էջմիածինը, անդրադառնալով ՀԱԵ հասցեին համացանցային սպառնալիքներին, հորդորում է իր զավակներին պահպանել հանգստությունն ու հանդարտությունը և չազդվել սադրիչ հայտարարություններից՝ նշելով, որ մեծապես գնահատում է իր զավակների հավատավոր հոգին, նախանձախնդրությունն ու հավատարմությունը եկեղեցու հանդեպ։
Նշվում է, որ վերջին օրերին եկեղեցու դեմ սանձազերծված արշավի շրջանակում դեկտեմբերի 27-ին բռնություն գործադրելու համացանցային սպառնալիքների առնչությամբ Մայր Աթոռում ստացվել են Եկեղեցու հավատավոր զավակների մտահոգության և զորակցության նամակներ, հնչել տարբեր անհատների հանրային ելույթներ և Ազգային եկեղեցին պաշտպանելու կոչեր:
«Ամենայն Հայոց Հայրապետի հայրական հորդորն է՝ տարեվերջյան Սուրբ Պատարագի արարողությունն անցկացնել խաղաղ մթնոլորտում և աղոթել հայրենի մեր երկրի անսասանության և ազգի միասնականության, անվտանգ ու ապահով կյանքի համար»,-ասվում է Մայր Աթոռի հայտարարության մեջ։
