Թուրք խորհրդարանականների պատվիրակությունը ԱՄՆ Կոնգրեսում Հայոց ցեղասպանության մասին բանաձեւի ընդունումը արգելակելու նպատակով մեկնել է Վաշինգտոն: Պատվիրակությունը գլխավորում է իշխող Արդարության եւ զարգացման կուսակցության (AKP)` արտաքին քաղաքականության գծով նախագահի տեղակալ Սուատ Քինիքլիօղլուն: Պատվիրակության կազմի մեջ մտել են նաեւ արտաքին կապերի գծով խորհրդարանական հանձնաժողովի նախագահ Մուրատ Մերջանը, Հանրապետական ազգային կուսակցությունից (CHP) պատգամավոր Շուքրյու Ալեքդագը եւ Ազգայնական շարժման կուսակցությունից (NDP) պատգամավոր Միթհահ Մելենը, հաղորդում են թուրքական ԶԼՄ-ները: