Նախագահ Արմեն Սարգսյանը վարչապետ Նիկոլ Փաշինյանից առաջարկություն է ստացել առողջապահության նախարարի պաշտոնում նշանակել գերատեսչության փոխնախարար Անահիտ Ավանեսյանին, PanARMENIAN.Net-ին ասաց նախագահի օգնական Հասմիկ Պետրոսյանը։
«Վարչապետն առաջարկել է առողջապահության նախարարի պաշտոնում նշանակել Անահիտ Ավանեսյանին», - նշել է նա։
Հունվարի 18-ին վարչապետն առողջապահության նախարար Արսեն Թորոսյանին պաշտոնից ազատելու առաջարկություն է ներկայացրել ՀՀ նախագահին։ Արմեն Սարգսյանը դեռ չի ստորագրել փաստաթուղթը։
Մամուլում տեղեղեկություններ են շրջանառվում, թե Թորոսյանն առաջիկայում նշանակվելու է ՀՀ վարչապետի աշխատակազմի ղեկավար` փոխարինելով Էդուարդ Աղաջանյանին: