Երևանում համայնքի կողմից կազմակերպվող վճարովի կայանատեղերի («կարմիր գծերի») սակագներն անփոփոխ են, հայտնել է քաղաքապետի մամուլի քարտուղար Հակոբ Կարապետյանը՝ նշելով, որ վճարը մեկ ժամվա համար 100 դրամ, մեկ տարվա համար՝ 12,000 դրամ է։
«Վճարովի կայանատեղերի համար դրույքաչափերը սահմանում է Երևանի ավագանին՝ յուրաքանչյուր տարեվերջին, հաջորդ ամբողջ տարվա համար: Գործող դրույքաչափերը հաստատվել են 2020-ի դեկտեմբերին», - նշել է նա:
Երևանի 10 վարչական շրջանում կարմիր գծերը կհանվեն, դրանք կպահպանվեն միայն Կենտրոնում և Արաբկիրի որոշ հատվածներում: