Մարտի 3-ին «NASDAQ OMX ARMENIA» ԲԲԸ-ում իրագործվեց 3,420,000 ԱՄՆ դոլարի առքուվաճառք (1 դոլարը` 372.11 դրամ): Մեկ դոլարի արժեքը առքուվաճառքի փակման պահին կազմեց 372.49 դրամ: Այդ մասին ասվում է Հայաստանի Կենտրոնական բանկի պաշտոնական կայքէջում տեղակայված հաղորդման մեջ:

Դեռեւս երեկ դոլարի փոխարժեքը փոխանակման կետերում կազմում էր 305-310 դրամ մեկ դոլարի դիամց, եվրոյի փոխարժեքը` 387 դրամ:

Դրամի նկատմամբ արտարժույթի փոխարժեքի այդքան կտրուկ աճի հիմնական պատճառը դարձել է երկրի Կենտրոնական բանկի ղեկավար Արթուր Ջավադյանի հայտարարությունը, համաձայն որի, Հայաստանի ԿԲ-ն արտարժույթի բորսայում իր միջամտության սահմանափակման եւ լողացող փոխարժեքի քաղաքականությանը վերադառնալու որոշում է կայացրել:

ԿԲ գնահատմամբ, 2009 թվականին դոլարի միջին փոխարժեքը նախատեսվում է 360-380 դրամ մակարդակով: