Ադրբեջանից Հայաստան է վերադարձել ևս 5 գերի։ Փոխվարչապետ Տիգրան Ավինյանի գրասենյակից հայտնել են, որ գերիները վերադարձել են ռուսական կողմի միջնորդությամբ:
Բաքվից Երևան ժամանած ինքնաթիռը վայրէջք է կատարել «Էրեբունի» օդանավակայանում: Այստեղ են հավաքվել գերիների բազմաթիվ հարազատներ:
Պատերազմից հետո նախ՝ 44, ապա 5 հայ գերի էր վերադարձել։
Հայկական կողմից գերիների վերջնական թվի մասին հստակ տվյալներ չկան։ Հայտնի է, որ վերջին 5 գերին, որ վերադարձել էին ՀՀ, շիրակցի կամավորականների 62 հոգանոց խմբից էին եղել․ նրանք պատերազմից հետո էին գերեվարվել։