Կառավարության 3-րդ մասնաշենքի մոտ ակցիա իրականացնող 25 քաղաքացի է բերման ենթարկվել ոստիկանության բաժին։ Այդ մասին տեղեկացրել է ոստիկանության լրատվական ծառայությունը, գրում է Aysor.am-ը։
Հայրենիքի փրկության շարժումը վարչապետ Նիկոլ Փաշինյանի տեղաշարը խոչընդոտելու ակցիա է իրականացնում Արամ Մանուկյանի արձանի մոտ։
Վերջիններս բերման են ենթարկվել Վարչական իրավախախտումների վերաբերյալ ՀՀ օրենսգրքի 182-րդ հոդվածով նախատեսված խախտման համար, այն է՝ ոստիկանի օրինական պահանջը չկատարելը։
Կառավարության 3-րդ մասնաշենքի մոտ լարված իրավիճակ էր։ Վարչապետն անվտանգության մեծաթիվ աշխատակիցների և ոստիկանների պաշտպանությամբ կառավարության շենքից «թուրք, դավաճան» բղավոցների ներքո անցավ և մտավ կառավարության 3-րդ մասնաշենք։ Իր գնալուց հետո էլ դարձյալ իրավիճակը լարված է. ոստիկանները, բռնի ուժ կիրառելով, բերման են ենթարկում ակցիա իրականացնող քաղաքացիներին։