ԵԱՀԿ գործող նախագահը հանդիպել է ԱԳ նախարարին․ Կհանդիպի նաև վարչապետին ու նախագահին
ԵԱՀԿ գործող նախագահ, Շվեդիայի արտաքին գործերի նախարար Անն Լինդեն Երևանում հանդիպել է արտաքին գործերի նախարար Արա Այվազյանին, պատրաստվում է հանդիպել նաև վարչապետ Նիկոլ Փաշինյանի, նախագահ Արմեն Սարգսյանի հետ։
«Հանդիպումների ընթացքում անդրադարձ կկատարվի Լեռնային Ղարաբաղի հակամարտության կարգավորմանը և կարգավորման գործընթացում ԵԱՀԿ շարունակական դերակատարմանը: Քննարկումը կներառի նաև ԵԱՀԿ-ի և Հայաստանի միջև համագործակցության ամրապնդման հարցը»,- ասված է հաղորդագրությունում:
ԵԱՀԿ գործող նախագահը կհանդիպի նաև քաղաքացիական հասարակության ներկայացուցիչների հետ:
Մարտի 14-ին ԵԱՀԿ գործող նախագահը տարածաշրջանային այցի շրջանակում մեկնել էր Ադրբեջան, հանդիպել նախագահ Իլհամ Ալիևի և արտգործնախարար Ջեյհուն Բայրամովի հետ:
