Ոստիկանության ՊՊԾ գնդի քաղաքային ու մարզային վարչությունների աշխատակիցների աշխատավարձերը կբարձրանան։ Որոշումը կայացվել է կառավարության նիստում, չզեկուցվող նախագծով։
Դրա համաձայն` ՊՊԾ դասակների նոր ընդունվող՝ մինչև 5 տարի աշխատանքային կամ զինծառայության ստաժով շարային կրտսեր տեսուչների աշխատավարձը ներկայիս 190,552 դրամից կդառնա 320,000 դրամ՝ 68.8%-ով ավելի, տեղեկացնում է Factor.am-ը։
Ոստիկանության լեյտենանտի կոչումով, 2-5 տարվա զինծառայության ստաժով պարեկի ամսական աշխատավարձը նախատեսվում է սահմանել ամսական 402,181 դրամ՝ ներկայիս 198,565 դրամի փոխարեն՝ 97.5%-ով ավելի և այլն։
Աշխատավարձերի բարձրացումը նախատեսված է ապրիլի 1-ից: