Նեյրոտեխնոլոգիաների ոլորտի ամերիկացի մասնագետներն ավարտել են ուղեղ-համակարգչի աշխարհում առաջին կոմպակտ, արագընթաց և անլար ինտերֆեյսի փորձարկումները։ Էքսպերիմենտի մի մասն անցկացվել է պանդեմիայի պայմաններում՝ ուստի, բառացիորեն՝ տնային։
Գիտական աշխատանքը հրապարակվել է IEEE Xplore պորտալում։ Հեղինակները մի խումբ գիտնականներ են, որոնք մասնակցում են BrainGate նախագծին՝ դա առաջատար ամերիկյան բժշկական և գիտահետազոտական հաստատությունների միավորում է Բրաունի համալսարանի բազայի վրա, գրում է Naked Science-ը։
Գիտնականները ցույց են տվել ամբողջովին անլար ինտերֆեյսի լիարժեք աշխատանքը, որը փոխանցում է տվյալները նույն արագությամբ, ինչ դրա լարային տարբերակները։ Սա լուրջ քայլ է նման սարքերի մշակման գործում։
BrainGate-ի վերջին տարբերակն առաջին այնպիսի սարքն է, որն ապահովում է տվյալների հոսքի փոխանցումն իմպլանտավորված էլեկտրոդներից ամբողջական ծավալով և առանց կորուստների։